ການບໍລິຫານຈັດການ

ທ່ານປະທານ ທອງເພື່ອນ ຂັນຕິວົງ ເປັນປະທານໃນກຸ່ມທຸລະກິດຄອບຄົວ, ແລະ ໃນປີ 2023 ອາຍຸໄດ້ 73 ປີ, ຈົບການສຶກສາຈາກຂະແໜງທັນຕະແພດສາດລາວ ໃນປີ 1975. ທ່ານໄດ້ເລີ່ມປະກອບອາຊີບໃນວາລະສານອາລຸນໃໝ່, ຜ່ານໄປ 10 ປີແຫ່ງຄວາມຈົງຮັກພັກດີ ແລະ ຄວາມທຸມເທກັບໜ້າວຽກ. ສຸດທ້າຍ ທ່ານ ກໍ່ໄດ້ຕັດສິນໃຈ ລາອອກ ເພື່ອໄປກໍ່ຕັ້ງບໍລິສັດການຢາກຳແພງນະຄອນ ໃນປີ 1992 ແລະ ຫຼັງຈາກນັ້ນ ກໍ່ໄດ້ປ່ຽນຊື່ມາເປັນ ບໍລິສັດວຽງທອງການຢາ ໃນປີ 1995. ພາຍໃຕ້ພາວະຄວາມເປັນຜູ້ນໍາຂອງລາວ, ບໍລິສັດເຕິບໂຕດ້ວຍຄວາມສໍາເລັດ ແລະ ຜັນຂະຫຍາຍຈາກພະນັກງານ 6 ຄົນມາເປັນ 80 ຄົນໃນປີ 2023.

ທ່ານປະທານ ທອງເພື່ອນ ຂັນຕິວົງ ໄດ້ບໍານານນັບຕັ້ງແຕ່ປີ 2019, ແຕ່ວ່າ ທ່ານກໍ່ຍັງຮັບໜ້າທີ່ເປັນປະທານ ແລະ ເປັນໜຶ່ງໃນສະມາຊິກຜູ້ບໍລິຫານສູງສຸດຂອງກຸ່ມທຸລະກິດຄອບຄົວ. ໃນເດືອນກຸມພາ 2019, ທ່ານໄດ້ຮັບກຽດຈາກສະພາການຄ້າລາວ ທີ່ໄດ້ປະກອບສ່ວນເຂົ້າໃນສັງຄົມລາວ ເວົ້າລວມເວົ້າສະເພາະແມ່ນຢູ່ໃນຂະແໜງການແພດ. ປະຈຸບັນນີ້, ບໍລິສັດວຽງທອງການແພດ ແລະ ການຢາ ແມ່ນບໍລິຫານງານໂດຍລູກສາວຂອງທ່ານປະທານ, ທ່ານນາງ ອຸຕຕະລາ ຂັນຕິວົງ ໃນຕຳງແໜ່ງຜູ້ອໍານວຍການ ແລະ ມີການບໍລິຫານຈັດການຊ່ວຍຈາກທ່ານ ສີຫາມະໂນ ບັນນະວົງ ທີ່ເປັນຜູ້ບໍລິຫານສູງສຸດໃນກຸ່ມທຸລະກິດ.

ທ່ານນາງ ອຸຕຕະລາ ຂັນຕິວົງ ຈົບການສຶກສາໃນລະດັບປະລິນຍາຕີ ໃນສາຂາທຸລະກິດຂໍ້ມູນຂ່າວສານ ແລະ ​ໄດ້​ເລີ່​ມ​ເຮັດ​ວຽກ​ກັບ​ກະຊວງ​ອຸດສາຫະກຳ ​ແລະ ການ​ຄ້າ​ໃນ​ປີ 2004. ທ່ານໄດ້ເຂົ້າເຮັດວຽກຢູ່ວຽງທອງການຢາ ໃນປີ 2007 ເຮັດໃນຕໍາແໜ່ງເປັນຜູ້ຊ່ວຍຜູ້ອໍານວຍການ ແລະ ຜູ້ຈັດການຝ່າຍບຸກຄະລາກອນ ເພື່ອຂັບເຄື່ອນແຜນຍຸດທະສາດທາງທຸລະກິດ, ບຸກຄະລາກອນ, ແລະ ຍຸດທະສາດທຸລະກິດຂອງບໍລິສັດ.

ທ່ານໄດ້ຮັບແຕ່ງຕັ້ງຮັບຜິດຊອບຫນ້າທີ່ເປັນຜູ້ອໍານວຍການບໍລິຫານຂອງບໍລິສັດ. ດ້ວຍເວລາຫຼາຍກວ່າ 16 ປີທີ່ບໍລິສັດວຽງທອງການຢາ, ທ່ານໄດ້ສົ່ງມອບ ແລະ ເປັນໜຶ່ງໃນຜູ້ບໍລິຫານລະດັບສູງຂອງພວກເຮົາໃນການຂັບເຄື່ອນຊຸກຍູ້ການເຕີບໂຕຂອງທຸລະກິດ.